Dil liya jis ne, bewafaai ki
Rasm hai kya ? ye dilrubaai ki
Tum ko andesha-e-giraftaari
Yaan tawaqqo nahin rihaai ki
Wasl mein kis tarah hoon shaadi-e-marg
Mujh ko taaqat nahin judaai ki
Ek din terey ghar mein aana hai
Bakht-e-taake ne gar rasaai ki
Dil lagaaya to naasihon ko kya
Baat jo apne ji mein aai, ki
‘Shefta’ wo ki jis ne saari umr
Deendaari-o-paarsaai ki
~ Nawab Mustafa Khan ‘Shefta’
No comments:
Post a Comment